YUNESKO doirasida Rossiya tashqi ishlar vaziri o‘rinbosari bilan uchrashuv o‘tkazildi
2025-11-04 17:00:00 / Yangiliklar va voqealar
4-noyabr kuni YUNESKO Bosh konferensiyasining 43-sessiyasi doirasida O‘zbekiston tashqi ishlar vaziri birinchi o‘rinbosari Baxromjon A’loyev Rossiya Federatsiyasi tashqi ishlar vaziri o‘rinbosari Aleksandr Pankin bilan uchrashuv o‘tkazdi.
Tomonlar O‘zbekiston va Rossiya o‘rtasidagi ikki tomonlama va ko‘p tomonlama hamkorlikning ustuvor yo‘nalishlarini muhokama qildilar.
Rossiyalik diplomat YUNESKO Bosh konferensiyasining 43-sessiyasi Samarqand shahrida o‘tkazilishini yuqori baholab, O‘zbekistonda bunday nufuzli xalqaro forumning o‘tkazilishi mamlakatning jahon maydonidagi ortib borayotgan nufuzining yaqqol ifodasi bo‘lganini ta’kidladi.
Uchrashuvda xalqaro va mintaqaviy tuzilmalar doirasidagi hamkorlikka alohida e’tibor qaratildi.