O‘zbekiston va Avstriya o‘rtasida ilk konsullik maslahatlashuvlari bo‘lib o‘tdi
2025-10-13 18:05:00 / Yangiliklar va voqealar
Vena shahrida O‘zbekiston Respublikasi va Avstriya Respublikasi Tashqi ishlar vazirliklarining Konsullik xizmatlari o‘rtasida ilk konsullik maslahatlashuvi bo‘lib o‘tdi.
Muzokaralar davomida ikki tomonlama hamkorlikning dolzarb masalalari muhokama qilinib, quyidagi kelishuvlarga erishildi:
- migratsiya va mobillik sohasidagi hamkorlik to‘g‘risidagi Bitim loyihasi bo‘yicha muzokaralarni davom ettirish, bu orqali mazkur yo‘nalishdagi o‘zaro hamkorlikni yanada rivojlantirish;
- diplomatik passport egalariga viza berish tartibi yuzasidan hukumatlararo kelishuvni ishlab chiqish;
- O‘zbekiston Respublikasining vakolatli organlari tomonidan berilgan apostillarni tan olish masalasini qayta ko‘rib chiqish;
- O‘zbekiston Respublikasi fuqarolariga vizalarni Astana shahridagi Avstriyaning diplomatik vakolatxonasi orqali rasmiylashtirish imkoniyatini ko‘rib chiqish.
Tomonlar ushbu maslahatlashuvlar ikki mamlakat o‘rtasidagi konsullik va gumanitar hamkorlikni yanada mustahkamlashga xizmat qilishini ta’kidladilar.