Iordaniya elchisi bilan uchrashuv
2025-07-24 12:10:00 / Yangiliklar va voqealar
24-iyul kuni O‘zbekiston Respublikasi tashqi ishlar vazirining birinchi o‘rinbosari Baxromjon Aʼloyev Iordaniya Hoshimiylar Podshohligining mamlakatimizdagi elchisi Demiya Haddod bilan uchrashdi.
Suhbat chog‘ida siyosiy, savdo-iqtisodiy va madaniy-gumanitar sohalardagi O‘zbekiston-Iordaniya munosabatlarining bugungi holati va ularni rivojlantirish istiqbollari muhokama qilindi.
Joriy yilda ustuvor yo‘nalishlarda ikki tomonlama tadbirlar o‘tkazish rejalari ko‘rib chiqildi. Mintaqaviy va xalqaro ahamiyatga molik dolzarb masalalar yuzasidan ham fikr almashildi.