Iordaniya elchisi bilan uchrashuv to‘g’risida
2025-06-30 18:30:00 / Yangiliklar va voqealar
2025-yilning 30-iyun kuni O‘zbekiston Respublikasi tashqi ishlar vazirining birinchi o‘rinbosari Bahromjon Aʼloyev Iordaniyaning O‘zbekistondagi elchisi Demiya Zuhayr Xaddad bilan uchrashdi.
Suhbat chog‘ida siyosiy, savdo-iqtisodiy, madaniy-gumanitar sohalardagi ikki tomonlama munosabatlarning holati va rivojlanish istiqbollari muhokama qilindi. Bo‘lajak qo‘shma tadbirlar jadvali va tashkiliy jihatlari, shuningdek, xalqaro tuzilmalar doirasidagi hamkorlik ko‘rib chiqildi.