O‘zbekiston va Pokiston tashqi ishlar vazirlari Toshkentda uchrashdi
2025-02-25 18:30:00 / Yangiliklar va voqealar
25-fevral kuni O‘zbekiston Respublikasi tashqi ishlar vaziri Baxtiyor Saidov Pokiston Bosh vaziri o‘rinbosari va tashqi ishlar vaziri, senator Muhammad Is’hoq Dar bilan uchrashdi.
Pokiston Bosh vaziri Shahboz Sharifning O‘zbekistonga rasmiy tashrifi ikki tomonlama munosabatlarda yangi sahifa ochishi ta’kidlandi. Muhokamalarda ikki xalq o‘rtasidagi chuqur ildiz otgan do‘stlik va tobora mustahkamlanib borayotgan hamkorlik o‘z ifodasini topdi. Savdo, sarmoya, o‘zaro bog’liqlik va mintaqaviy rivojlanish sohalarida hamkorlikni kengaytirish imkoniyatlari o‘rganib chiqildi va umumiy farovonlik yo‘lida birgalikda ishlashga sodiqlik tasdiqlandi.
O’zbekiston tashqi ishlar vaziri hamkasbining ikki tomonlama aloqalarni mustahkamlash borasidagi g‘oyalari va fidoyiligini yuqori qadrlashini ta’kidladi.