O‘zbekiston TIV birinchi o‘rinbosarining Bangladesh tashqi ishlar davlat vaziri bilan uchrashuviga oid
2026-10-18 15:20:00 / Yangiliklar va voqealar
2026-yil 18-oktabr kuni Bag‘dod shahrida Islom hamkorlik tashkiloti Tashqi ishlar vazirlari kengashining 52-sessiyasi doirasida O‘zbekiston Respublikasi tashqi ishlar vazirining birinchi o‘rinbosari Bahromjon A’loyev Bangladesh Xalq Respublikasi tashqi ishlar davlat vaziri Humoyun Kabir bilan uchrashdi.
Muzokaralar davomida tomonlar O‘zbekiston va Bangladesh o‘rtasidagi munosabatlarni yanada rivojlantirish istiqbollarini ko‘rib chiqib, savdo-iqtisodiy aloqalarni kengaytirish, investitsiyaviy sheriklikni rivojlantirish hamda ikki mamlakat ishbilarmon doiralari o‘rtasidagi aloqalarni faollashtirish masalalariga alohida e’tibor qaratdi.
Shuningdek, xalqaro kun tartibining dolzarb masalalari, jumladan, BMT, Islom hamkorlik tashkiloti va boshqa xalqaro tashkilotlar doirasidagi hamkorlikni mustahkamlash yuzasidan fikr almashildi.