TIV rahbari Germaniyaning O‘zbekistondagi yangi tayinlangan elchisidan ishonch yorliqlari nusxalarini qabul qildi
2026-08-11 18:30:00 / Yangiliklar va voqealar
11-avgust kuni O‘zbekiston Respublikasi tashqi ishlar vaziri Baxtiyor Saidov Germaniya Federativ Respublikasining mamlakatimizdagi yangi tayinlangan Favqulodda va Muxtor Elchisi Mattias Follertning ishonch yorliqlari nusxalarini qabul qildi.
Muloqot davomida Germaniya Yevropadagi ishonchli va vaqt sinovidan o‘tgan hamkorlardan biri sifatida yuksak qadrlanishi qayd etildi. So‘nggi yillarda oliy darajadagi tashriflar hamda muntazam siyosiy muloqotlar tufayli O‘zbekiston–Germaniya munosabatlari izchil rivojlanib bormoqda.
Uchrashuvda ikki tomonlama kun tartibidagi dolzarb masalalar muhokama qilinib, oliy darajada erishilgan kelishuvlarni o‘z vaqtida va sifatli amalga oshirish muhimligi ta’kidlandi.
TIV rahbari elchiga O‘zbekistondagi mas’uliyatli va sharafli diplomatik faoliyatida ulkan muvaffaqiyatlar tiladi.