Konsullik masalalari bo‘yicha birinchi maslahatlashuvlar to‘g‘risida
2026-06-09 18:45:00 / Yangiliklar va voqealar
Minsk shahrida O‘zbekiston Respublikasi va Belarus Respublikasi tashqi ishlar vazirliklari o‘rtasida konsullik masalalari bo‘yicha maslahatlashuvlarning navbatdagi davrasi bo‘lib o‘tdi.
O‘zbekiston delegatsiyasiga O‘zbekiston Respublikasi tashqi ishlar vaziri o‘rinbosari Olimjon Abdullayev, Belarus delegatsiyasiga esa Belarus Respublikasi tashqi ishlar vaziri o‘rinbosari Yevgeniy Shestakov boshchilik qildi.
Maslahatlashuvlarda O‘zbekiston Respublikasi Migratsiya agentligi, Belarus Respublikasi Mehnat va ijtimoiy himoya vazirligi hamda Belarus Respublikasi Ichki ishlar vazirligining Fuqarolik va migratsiya departamenti vakillari ham ishtirok etdi.
Tomonlar konsullik sohasidagi hamkorlikning dolzarb masalalari, mehnat migratsiyasi jarayonlarini tartibga solish, ikki mamlakat fuqarolarining huquq va manfaatlarini himoya qilish, shuningdek, shartnomaviy-huquqiy bazani yanada takomillashtirish istiqbollarini muhokama qildi.
Uchrashuv davomida mehnat migratsiyasi sohasidagi amaliy hamkorlikni kengaytirish, fuqarolar uchun qulay shart-sharoitlar yaratish hamda migratsiya jarayonlarini samarali boshqarishga qaratilgan qo‘shma chora-tadbirlar yuzasidan fikr almashildi.