Gretsiya elchisi bilan migratsiya va konsullik sohalaridagi hamkorlik istiqbollari muhokama qilindi
2026-06-05 14:25:00 / Yangiliklar va voqealar
4-iyun kuni O‘zbekiston Respublikasi tashqi ishlar vaziri o‘rinbosari Olimjon Abdullayev Gretsiya Respublikasining mamlakatimizdagi Favqulodda va Muxtor Elchisi Paraskevi Tzevelek bilan uchrashuv o‘tkazdi.
Muloqot davomida tomonlar O‘zbekiston va Gretsiya o‘rtasidagi konsullik-huquqiy hamda mehnat migratsiyasi sohalaridagi hamkorlikning bugungi holati va uni yanada rivojlantirish istiqbollari yuzasidan atroflicha fikr almashdi.
Tomonlar O‘zbekiston va Gretsiya o‘rtasidagi do‘stona munosabatlar va amaliy hamkorlikni, ayniqsa migratsiya va konsullik sohalarida, izchil rivojlantirishga tayyor ekanligini tasdiqladi.