Yevropa Ittifoqining Afg‘oniston bo‘yicha Maxsus vakili J.Bertran bilan uchrashuv to‘g‘risida
2026-03-06 18:50:00 / Yangiliklar va voqealar
O‘zbekiston Respublikasi Prezidentining Afg‘oniston bo‘yicha Maxsus vakili Ismatulla Irgashev Yevropa Ittifoqining Afg‘oniston bo‘yicha Maxsus vakili Jil Bertran bilan onlayn uchrashuv o‘tkazdi.
Muzokaralar chog‘ida mintaqaviy xavfsizlikning dolzarb masalalari, xususan, Afg‘oniston-Pokiston chegarasidagi vaziyat, shuningdek, O‘zbekiston va Yevropa Ittifoqi o‘rtasidagi hamkorlikni chuqurlashtirish istiqbollari muhokama qilindi.
Tomonlar mintaqaviy xavfsizlik va hamkorlik masalalari bo‘yicha tizimli va konstruktiv muloqotni davom ettirishdan o‘zaro manfaatdor ekanliklarini tasdiqladilar hamda muntazam maslahatlashuvlarni davom ettirishga kelishib oldilar.