O‘zbekiston, Qirg‘iziston va Tojikiston tashqi ishlar vazirlari davlat chegaralarining tutash nuqtasi to‘g‘risidagi shartnomaga oid bayonnomani imzoladilar
2025-11-15 17:00:00 / Yangiliklar va voqealar
15-noyabr kuni O‘zbekiston tashqi ishlar vaziri Baxtiyor Saidov, Qirg‘iziston tashqi ishlar vaziri Jeenbek Kulubayev va Tojikiston tashqi ishlar vaziri Sirojiddin Muhriddin uch mamlakat o‘rtasidagi davlat chegaralari tutashgan nuqtasi to‘g‘risidagi Shartnomaning ratifikatsiya yorliqlari bilan almashish to‘g‘risidagi Bayonnomani imzoladilar.
Bu muhim qadam konstruktiv muloqot, o‘zaro ishonch hamda hukumatlarimizning mintaqada tinchlik, barqarorlik va birdamlikni mustahkamlashga bo‘lgan umumiy intilishi natijasi hisoblanishi takidlandi.
Ratifikatsiya jarayonining yakunlanishi nozik masalalarni diplomatiya, o‘zaro hurmat va uzoqni ko‘ra bilish orqali hal etishdagi umumiy salohiyatimizni namoyon etadi.