Saksovul butalarini sindirib, mashinaga yuklayotgan huquqbuzar to‘xtatildi
2025-10-30 18:00:00 / Yangiliklar
Navoiy viloyati Ekologiya, atrof-muhitni muhofaza qilish va iqlim o‘zgarishi boshqarmasi Uchquduq tuman bo‘limi tomonidan tumanning "Shalxar" OFY hududida navbatdagi nazorat reyd tadbiri o‘tkazildi.
Reyd davomida fuqaro G.Y. noqonuniy ravishda saksovul butalarini sindirib, o‘ziga tegishli “Ford” rusumli avtomashinasiga yuklayotgan vaqtida to‘xtatildi. Natijada tabiatga 2 mln 884 ming so‘m miqdorida zarar yetkazilgan.
Mazkur holat bo‘yicha huquqbuzarga nisbatan O‘zbekiston Respublikasi MJtKning 79-moddasi 1-qismi bilan maʼmuriy bayonnoma rasmiylashtirilib, BHMning 25 barobari miqdorida jarima tayinlandi. G.Y. zarar va jarimani to‘lashi belgilandi.
Reyd tadbirlari davom ettirilmoqda.