O‘zbekiston Respublikasi Ekologiya va iqlim o‘zgarishi milliy qo‘mitasi

Ekologiya vazirligi tashabbusi bilan Oliy ta’lim, fan va innovatsiyalar vazirligi, Toshkent Metallurgiya zavodi hamda Zakovat intellektual klubi hamkorligida o’tkazilgan musobaqada 12 ta oliy ta’lim muassasasi talabalari ishtirok etdi. O‘yinda ishtirokchilar ekologiyaga oid 24 ta savolga javob berib, o‘z bilim va tez qaror qabul qilish qobiliyatini namoyish etishdi.

O‘yin yakuniga ko‘ra 1-o‘rinni “Kimyogarlar”, 2-o‘rinni “Staticfacion” va 3-o‘rinni “Ekofaollar” jamoasi egalladi. G‘olib va   sovrindorlar qimmatbaho sovg‘alar bilan taqdirlandi.

Bundan tashqari, ekologiya, atrof-muhitni muhofaza qilish, iqlim o‘zgarishi, o‘rmon xo‘jaligi va gidrometeorologiya mavzulariga oid bo‘lgan ekologiya o‘yinlari (“Green” Eco Games) ham tashkil qilindi.

Ma’lumot uchun, “Ekologik bilimlar kuni” dunyoning ko’plab davlatlarida nishonlanadi. Bayram tarixi 1992-yilda BMTning Rio-de-Janeyrodagi ekologik muammolarga bag'ishlangan konferensiyasiga borib taqaladi. Konferensiyada aholining ekologik ta’lim-tarbiyasiga ham e’tibor qaratilgan.

Maqsad ekologik bilimlarni targ'ib qilish, ekologik madaniyatni shakllantirish, dolzarb ekologik muammolar va atrof-muhit holati haqida ma'lumot berishdir.