Bekobodda tabiatga 8 million so‘mdan ortiq zarar yetkazildi
2025-10-20 15:00:00 / Yangiliklar
O‘rganish davomida Bekobod tumani “Yangihayot” MFY hududida fuqarolar M.U. hamda A.S. tomonidan “Sholikor” zovurida noqonuniy ov quroli, ya’ni elektr qarmoqdan foydalangan holda 1 dona “Kumush tovon balig‘i” noqonuniy ovlanganligi aniqlandi.
Mazkur holat sodir etilishi natijasida O‘zbekiston Respublikasi “Ov qilish va ovchilik xo‘jaligi to‘g‘risida”gi qonunining 3, 27-moddalari, “Hayvonot dunyosini muhofaza qilish va undan foydalanish to‘g‘risida”gi qonunning 34, 35-moddalari, “Tabiatni muhofaza qilish to‘g‘risida”gi qonunning 49-moddasi talablari buzilgan.
Huquqbuzarlik oqibatida hayvonot dunyosiga yetkazilgan zarar miqdori, O‘zbekiston Respublikasi Vazirlar Mahkamasining 80-son qaroriga asosan, 8 million 240 ming so‘mni tashkil etdi. Hujjatlar holatga huquqiy baho berish va tegishli chora ko‘rish maqsadida Bosh prokuraturaga yuborildi.