Fermer xo‘jaligi tabiatga 43 milliard so‘mdan ortiq zarar yetkazdi
2025-10-17 12:30:00 / Yangiliklar
Samarqand viloyati Ekologiya, atrof-muhitni muhofaza qilish va iqlim o‘zgarishi boshqarmasi davlat inspektorlari tomonidan Oqdaryo tumanida joylashgan "M.M.M.N" fermer xo‘jaligi faoliyati o‘rganildi.
O‘rganish davomida Oqdaryo tumani hududidan oqib o‘tuvchi "Qoradaryo" daryosi hududidan fermer xo‘jaligiga tegishli ekskavator hamda yuk mashinasi yordamida qum-shag‘al aralashmasi noqonuniy qazib olinganligi ma'lum bo‘ldi.
Huquqbuzarlik natijasida tabiatga 43 milliard 12 million 57 ming 536 so‘m miqdorida zarar yetkazilganligi aniqlandi.
Hozirda qum-shag‘al aralashmasi qazib olingan texnika vositalari vaqtincha jarima maydoniga joylashtirildi. Tegishli hujjatlar esa holatga huquqiy baho berish va chora ko‘rish maqsadida Samarqan viloyat prokuraturasiga yuborildi.