Chiqindi tashlash bilan bog‘liq 100 dan ortiq huquqbuzarlik aniqlandi
2025-10-15 10:30:00 / Yangiliklar
Ishchi guruh tomonidan 14-oktabr kuni, Prezident rahbarligida o‘tkazilgan videoselektorda berilgan topshiriqdan so‘ng kuchaytirilgan reyd tadbirlari boshlandi. Kechaning o‘zida belgilanmagan joylarga chiqindi tashlash bilan bog‘liq jami 115 ta huquqbuzarlik aniqlandi. Huquqbuzarlarga nisbatan Ma'muriy javobgarlik to‘g‘risidagi Kodeksning tegishli moddalariga ko‘ra choralar ko‘rilmoqda.
Hozirda barcha hududlarda reyd tadbirlari davom ettirilmoqda. Qolaversa, Ekologiya vazirligi tomonidan o‘rnatilgan onlayn kuzatuv kameralari nazorati ham kuchaytirilgan.
Ekologiya vazirligi yurtdoshlarimizni tozalik va ozodalik oyligida faol ishtirok etishga, belgilanmagan joylarga chiqindi tashlamaslikka, atrof-muhitni ifloslantirmaslikka chaqiradi. Bordiyu bunday ekologik huquqbuzarliklarga guvoh bo‘lsangiz, vazirlikning (71) 207-11-07, (71) 207-11-08 telefon raqamlari, 1157, 1207 qisqa raqamlari yoki @ecogovuz_bot orqali xabar bering!