Fuqarolarning 1600 dan ortiq murojaati ijobiy hal etildi
2025-10-13 11:00:00 / Yangiliklar
Mazkur murojaatlarning 1698 tasi ijobiy hal qilindi, 63 tasi qoidabuzarlik sodir etilgan hududni aniqlash imkoni bo‘lmaganligi, murojaat egasi bilan bog‘lanish imkonsizligi yoki sohaga aloqador bo‘lmaganligi uchun rad etildi.
Ta'kidlash joizki, murojaatlarning eng ko‘pi belgilanmagan joylarga chiqindi tashlashga taalluqli. Bu esa aholining chiqindi tashlash borasidagi ekologik madaniyatini oshirish lozimligini ko‘rsatadi. Bundan tashqari, xazonlar va o‘simliklar qoldiqlarini yoqish holatlari bo‘yicha ham murojaatlar ko‘paymoqda. Hududlar kesimida eng ko‘p murojaatlar Toshkent shahri, Qashqadaryo va Farg‘ona viloyatlariga to‘g‘ri kelmoqda.
Ma'lumot uchun, bugungi kunda vazirlikning @ecogovuz_bot (https://t.me/ecogovuz_bot) telegram boti bilan birga (71) 207-11-07, (71) 207-11-08 raqamlari hamda 1157 va 1207 qisqa raqamlari orqali ham fuqarolarning murojaatlari qabul qilinmoqda va ijobiy hal etilmoqda. Shunday ekan, sizdan ekologik qoidabuzarliklarga guvoh bo‘lganingizda bu haqda vazirlikning yuqorida keltirilgan telefon raqamlariga qo‘ng‘iroq qilishingizni yoki @ecogovuz_bot telegram boti orqali xabar berishingizni so‘raymiz.