Toshkentda “Eko-Zakovat” intellektual o‘yini o‘tkaziladi
2024-04-08 11:05:00 / Yangiliklar
Joriy yilning 13-aprel kuni Zahiriddin Muhammad Bobur nomidagi Toshkent Markaziy eko bog‘ida “Eko-Zakovat” intellektual musobaqasi — ekologiyaga oid bilimlar bellashuvi bo‘lib o‘tadi.
Tadbir 15-aprel – “Ekologiyaga oid bilimlar kuni” munosabati bilan Ekologiya, atrof-muhitni muhofaza qilish va iqlim o‘zgarishi vazirligi, Oliy ta’lim, fan va innovatsiyalar vazirligi hamda "Zakovat" intellektual klubi hamkorligida tashkil etiladi.
Intellektual musobaqada poytaxtimizdagi bir qator oliy ta’lim muassasalarida tahsil oluvchi talaba-yoshlar hamda ekofaollardan iborat zakovatchilar o‘zaro bellashib, ekologiya sohasidagi bilimlarini sinovdan o‘tkazishadi.
Barchangizni “Eko-Zakovat”ga taklif qilamiz. Bu sizga sohaga oid yangi bilimlarni o‘zlashtirish uchun eng yaxshi imkoniyatdir.
Tadbir joyi: Toshkent Markaziy eko bog‘i
Vaqti: 13-aprel, soat 11:00
