Lochinlarga noqonuniy va shafqatsiz munosabat natijasida tabiatga katta miqdorda zarar yetkazilgan
2025-09-26 15:30:00 / Yangiliklar
Reyd davomida avvaldan kuzatuvga olingan shaxs "Oqtosh" qo'riqlov punktida davlat chegarasini buzib o'tgan holda harakatlanayotganida to'xtatib qolindi. Uning yonidagi sumka belgilangan tartibda va xolislar ishtirokida ko'zdan kechirilganida 8 bosh tirik lochin qushlari topildi.
Reyd davomida huquqbuzar atrofdagilarga sezdirmaslik uchun qushlarga nisbatan shafqatsiz munosabatda bo'lgani — qushlarning ko‘z va oyoqlarini bog‘lab, qanotlarini skotchlagani hamda tor hajmdagi sumkaga zichlab joylaganligi ma'lum bo‘ldi.
Toshkent viloyati Ekologiya, atrof-muhitni muhofaza qilish va iqlim o‘zgarishi boshqarmasi mutaxassislari tomonidan ushbu lochin qushlari O'zbekiston Qizil kitobiga kiritilganligi va huquqbuzarlik natijasida hayvonot dunyosiga 4 milliard 944 million so‘m zarar yetkazilganligi aniqlandi.
Holat yuzasidan bojxona organlari tomonidan surishtiruv harakatlari olib borilmoqda.