Xususan, Chotqol davlat biosfera qo‘riqxonasida "Qushlarni asraylik" tadbiri o‘tkazildi. Tadbir davomida qushlar to‘g‘risidagi taqdimotlar, filmlar namoyish qilindi. O‘quvchilarning ekologik bilimlari sinovdan o‘tkazildi. 

"Janubiy Ustyurt" milliy tabiat bog‘i va "Sudoche-Akpekti" davlat buyurtma qo‘riqxonasida o‘tkazilgan tadbirda esa yoshlar, talabalarga qushlar va ularning populyatsiyalari, kamayib borayotgan qushlarni asrab qolish borasida tavsiyalar berildi.

"Nurota" davlat qo‘riqxonasida yosh eko-faollar, o‘quvchilar va talabalarning e'tibori qushlarni muhofaza qilish chora-tadbirlariga e'tibor qaratildi. "Orolbo‘yi" milliy tabiat bog‘ida hududda uchraydigan O‘zbekiston Qizil kitobiga kiritilgan noyob qushlar va ularni muhofaza qilish borasida amalga oshirilayotgan ishlar haqida haqida ma'lumot berildi. "Zarafshon" milliy tabiat bog‘ida esa o‘quvchilar uchun ekskursiya uyushtirilib, "Sayyora qanotlari" viktorinasi o‘tkazildi.  

Xalqaro qushlar kuni "Zomin", "Surxon" davlat qo‘riqxonalari va boshqa METHlarda ham "Qushlarni asraylik" shiori ostida keng nishonlandi. 

Ma’lumot uchun, “Xalqaro qushlar kuni” 1902-yildan, ya’ni qishloq xo‘jaligiga foydali qushlarni muhofaza qilishga qaratilgan Xalqaro konvensiya qabul qilinganidan beri nishonlanadi. Maqsad yosh avlodda qushlarga nisbatan mehr uyg‘otish, ularning ongida ekologik madaniyat va tabiatga daxldorlik hissini shakllantirishdir.