Reyd davomida Quyi Chirchiq tumani hududidan oqib o‘tuvchi Chirchiq daryosi o‘zani oqim bo'ylab davlat raqami yechib olingan yuklagich yordamida qum-shag'al aralashmasi qazib olinib, davlat raqami "10 W 373 GB" bo'lgan HOWO rusumli yuk tashish transport vositasiga yuklab berilayotganligi aniqlandi.

Natijada "Tabiatni muhofaza qilish to‘g‘risida"gi hamda "Yer osti boyliklari to‘g‘risida"gi qonunlar talablari buzilgan va Vazirlar Mahkamasining 2022-yil 23-noyabrdagi 666-son qaroriga asosan tabiatga 83 milliard 357 million 600 ming 256 so‘m miqdorida zarar yetkazilgan. 

Reyd davomida qum-shag‘al qazib olingan maydonning bir qismi tuproq, loy va tosh aralashmalari bilan to‘ldirib qo‘yilganligi ma'lum bo‘ldi va qum-shag‘al aralashmalari qazib olingan maydonning qolgan qismida o‘lchov ishlari amalga oshirildi. 

Holat yuzasidan voqea joyida bo'lgan yuk tashuvchi avtotransport vositasi vaqtinchalik saqlab turish uchun jarima maydonchasiga joylashtirildi. To‘plangan hujjatlar holatga huquqiy baho berish uchun Toshkent viloyat prokuraturasiga yuborildi.