O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi

Yuqoridagi holatlarga ko‘ra 40 ta issiqxonaga nisbatan tegishli tartibda ma’muriy javobgarlik choralari qo‘llanildi. Qolaversa, ekologik talablariga javob bermagan 32 ta issiqxona faoliyatini vaqtincha to‘xtatish uchun sud organlariga da’vo arizalari kiritildi.

Ta'kidlash joizki, Ekologiya, atrof-muhitni muhofaza qilish va iqlim o‘zgarishi vazirligi, vazirlikning hududiy boshqarmalari va hamkor tashkilotlar bilan birga sanoat korxonalari tomonidan atmosfera havosiga ta’sirni kamaytirish borasida doimiy chora-tadbirlar amalga oshirilmoqda. Xususan, joriy yilda 195 ta korxona tomonidan 824 ta chang-gaz tozalash uskunasi o‘rnatildi va eskilari modernizatsiya qilindi. Bundan tashqari, qonunchilik talablari buzilishi natijasida 91 ta holatda ma’muriy jazo choralari qo‘llanildi hamda 57 ta korxona faoliyati kamchiliklar bartaraf etilgunga qadar vaqtincha to‘xtatildi.

Ma’lumki, kuz-qish mavsumida havo haroratining pasayishi sababli sanoat korxonalarida, xususan, elektr energiya ishlab chiqarish, metallurgiya, qurilish korxonalari hamda issiqxonalarda gaz, mazut va ko‘mir yoqilg‘isiga bo‘lgan talab ortadi. Bu o‘z navbatida atmosfera havosiga tashlanayotgan ifloslantiruvchi moddalar miqdorining bir necha barobar ortishiga olib keladi. Xususan, shinalar tarkibida oltingugurt, uglevodorod, og‘ir metallar, simob, kadmiy, qo‘rg‘oshin kabi toksik moddalar mavjud. Ularni yoqish paytida atmosferaga dioksin, furan, poliaromatik uglevodorod kabi zaharli gazlar ko‘tariladi. Bu esa atrof-muhitga jiddiy zarar keltiradi.

Ekologiya vazirligi barcha korxonalarni ekologik standartlarga amal qilgan holda faoliyat olib borishga chaqiradi! Unutmang, atrof-muhitga zarar yetkazishga sabab bo‘ladigan har qanday faoliyat qonunga ko‘ra qat’iy javobgarlikka sabab bo‘ladi!