Qora qum aralashmasini noqonuniy qazigan huquqbuzarga jarima belgilandi
2025-09-11 11:00:00 / Yangiliklar
Samarqand viloyati Ekologiya, atrof-muhitni muhofaza qilish va iqlim o‘zgarishi boshqarmasi Samarqand tuman bo‘limi inspektorlari tomonidan noruda materiallarni noqonuniy ravishda qazib olish holatlarining oldini olishga qaratilgan navbatdagi reyd tadbiri o‘tkazildi.
Reyd davomida fuqaro M.A. Samarqand tumani hududidan oqib o‘tuvchi Darg‘om kanalidan noqonuniy ravishda qora qum aralashmasini qazib, yuk tashuvchi mashinalarga yuklab berayotganligi aniqlandi.
Holat yuzasidan huquqbuzarga nisbatan O‘zbekiston Respublikasi Ma'muriy javobgarlik to‘g‘risidagi Kodeksning 70prim 1-moddasi 1-qismi bilan maʼmuriy bayonnoma rasmiylashtirildi. M.A. bazaviy hisoblash miqdorining 30 barobari — 16 million 480 ming so‘m miqdorida jarimaga tortildi.
Reyd tadbirlari davom ettirilmoqda.