CITES'ning 50 yilligiga bag‘ishlangan xalqaro fotosuratlar tanlovi o‘tkaziladi
2025-09-04 14:30:00 / Yangiliklar
Tanlovda butun dunyo bo‘ylab 18 yoshdan katta bo‘lgan professional va havaskor fotograflar ishtirok etishi mumkin. Tanlov quyidagi to‘rt toifada o‘tkaziladi:
— Turlar diqqat markazida: CITES ro‘yxatiga kiritilgan turlar go‘zalligi va qadriyatlari;
— Tabiatni asrash yo‘lida hamkorlik: davlatlar, hamjamiyatlar va tashkilotlar o‘rtasidagi hamkorlik orqali qo‘lga kiritilgan yutuqlar;
— CITES va insonlar: oldingi safdagilar — inspektorlar, bojxona xodimlari va mahalliy hamjamiyatlar vakillarining hikoyasi;
— Yoshlar nigohi (18–35 yosh): yovvoyi tabiatni asrash bo‘yicha noyob va ilhomlantiruvchi qarashlar.
G‘oliblar va finalchilar 2025-yil 24-noyabrdan 5-dekabrgacha Samarqand shahrida bo‘lib o‘tadigan CITES’ning 20-Assambleyasida (CoP20) ma'lum qilinadi.
Fotosuratlar 2025-yil 21-sentabrgacha CITES50 Photo Contest onlayn shakli orqali qabul qilinadi. Batafsil ma’lumot va tanlov qoidalari ingliz, fransuz va ispan tillarida berilgan.