Oqqo‘rg‘onda bedanalar noqonuniy ovlanganligi ma'lum bo‘ldi
2025-08-27 10:00:00 / Yangiliklar
Reyd davomida boshoqli don ekinidan bo'shagan dala maydonida fuqaro A. A. taqiqlangan ov quroli, ya'ni to'rdan foydalangan holda jami 15 dona bedanani ovlaganligi aniqlandi. Huquqbuzar bu qilmishi bilan O‘zbekiston Respublikasi "Hayvonot dunyosini muhofaza qilish va undan foydalanish to'g'risida"gi Qonunining 32-moddasi talablarini buzgan.
Fuqaroga nisbatan O'zbekiston Respublikasi Ma'muriy javobgarlik to‘g‘risidagi Kodeksining 90-moddasi 4-qismiga asosan bayonnoma rasmiylashtirilib, hujjatlar holatga huquqiy baho berish uchun sud organiga yuborildi.
Shuningdek, huquqbuzardan olib qo'yilgan bedanalar xolislar ishtirokida tabiatga qo'yib yuborildi. Shu bilan birga, huquqbuzarlik holati yuzasidan 3 million 90 ming so'm miqdorida tabiatga yetkazilgan zarar summasi tegishli tartibda hisoblanib, undiruvga qaratildi.