Navoiyda 30 dan ortiq noqonuniy ohak pishirish xumdonlari faoliyati to‘xtatildi
2025-08-25 10:00:00 / Yangiliklar
Navoiy viloyat Ekologiya boshqarmasi, prokuraturasi, IIB hamda Milliy gvardiya mas'ullaridan iborat ishchi guruh tomonidan joylardagi ohak pishirish xumdonlari faoliyati o‘rganildi.
Karmana tumani “Yangiariq” MFY hududidagi ohak pishirish xumdonlarida o‘tkazilgan o‘rganishlar natijasida atmosferaga ifloslantiruvchi moddalar chiqarilganligi aniqlandi. Shuningdek, hududlardagi ohak pishirish xumdonlari xatlovdan o‘tkazilganda Karmana tumanida bir nechta ohak ishlab chiqarish sexi noqonuniy tarzda faoliyat yuritib kelayotganligi maʼlum bo‘ldi.
Belgilangan talablar bajarilmaganligi uchun Karmana tumanidagi “Yangiariq” MFY hududida faoliyat olib borayotgan 36 ta noqonuniy ohak pishirish xumdonlari buzib tashlandi.
O‘rganish ishlari davom ettirilmoqda va noqonuniy faoliyat yuritayotgan boshqa ohak pishirish xumdonlarini ham buzish rejalashtirilgan.