O‘zbekiston Respublikasi Ekologiya va iqlim o‘zgarishi milliy qo‘mitasi

Yurtimizni yanada obod, pokiza va fayzli qilish maqsadida tashkil etilayotgan hashar tadbirlarida mahallalar, ko‘chalar, xiyobonlar, ziyoratgohlar, bolalar maydonchalarini obodonlashtirish, atrof-muhitni tozalashga alohida e’tibor qaratilmoqda. Daraxt va ko‘chatlarni oqlash, ijtimoiy ob’ektlar atrofini saranjomlash, hosil bo‘lgan chiqindilarni maxsus ajratilgan joylarga olib borish bo‘yicha amalga oshirilayotgan ishlar hududlarni obodonlashtrishga munosib hissa bo‘lib qo‘shilmoqda.

Shu bilan birga, kam ta’minlangan oilalar, yolg‘iz keksalar, nogironligi bor shaxslar xolidan xabar olish kabi xayrli ishlar amalga oshirilayapti. Bu esa, o‘z navbatida, hasharning nafaqat ekologik, balki ijtimoiy ahamiyatga ega bo‘lishiga xizmat qilmoqda.

Ekologiya vazirligi barcha yurtdoshlarimizni umumhalq hasharida faol isitirok etishga chaqiradi. Zero, hashar hamjihatligimiz, ahilligimizni namoyon etish bilan birga atrof-muhit tozaligiga bo‘lgan mas’uliyatimiz ifodasi hamdir. 

Aziz yurtdoshlar, umumxalq hasharida faol qatnashib, yurtimiz obodonligiga hissa qo‘shaylik!