O‘zbekiston Respublikasi Ekologiya va iqlim o‘zgarishi milliy qo‘mitasi

Reyd davomida atrof-muhit sohasida qonun buzilishi bilan bog’liq 10 ta holat aniqlanib, qonunbuzarlarga nisbatan ma’muriy bayonnomalar rasmiylashtirildi va jami 26 million 72 ming so‘m miqdorida jarimalar qo‘llanildi.

Aniqlangan huquqbuzarliklar orasida quyidagilar kuzatildi:
– suv resurslarini ifloslantirish (Qo‘shko‘pir tumani, “Bekobod” mahallasi); – maishiy va qattiq kommunal chiqindilarni belgilanmagan joylarga tashlash (Qo‘shko‘pir tumani, “Arablar” mahallasi; Shovot tumani, K. Otaniyozov nomli mahalla); – suyuq chiqindilarni ruxsatsiz joylarga to‘kish (Shovot tumani); – o‘simlik qoldiqlarini yig‘ish va yoqish (Xiva tumani, “Dashyoq” mahallasi; Shovot tumani, “Qiyot” mahallasi); – O‘zbekiston Respublikasi Ma’muriy javobgarlik to‘g‘risidagi Kodeksida ko‘rsatilgan boshqa turdagi huquqbuzarliklar.

Jarimalar har bir qonunbuzar uchun bazaviy hisoblash miqdorining 3 baravaridan 20 baravarigacha (2 million 47 ming so‘mdan 8 million 24 ming so‘mgacha) belgilandi. 

Reydlar davomida hududlarni maishiy va qurilish chiqindilaridan tozalash ishlari olib borildi, shuningdek, aholiga ekologik me’yorlarga rioya qilish zarurligi haqida tushuntirishlar berildi.

Ekologiya, atrof-muhitni muhofaza qilish va iqlim o‘zgarishi vazirligi fuqarolarni atrof-muhitga ehtiyotkorlik bilan munosabatda bo‘lishga chaqiradi va ekologik talablarni buzish ma’muriy javobgarlikka olib kelishini yana bir bor eslatib o‘tadi.