O‘zbekiston Respublikasi Ekologiya va iqlim o‘zgarishi milliy qo‘mitasi

Holatni o‘rganish maqsadida Ekologiya, atrof-muhitni muhofaza qilish va iqlim o‘zgarishi vazirligi Davlat ekologik nazorat inspeksiyasi Sirdaryo suv havzasini nazorat qilish bo‘limi tomonidan tezkor reyd tadbiri tashkil etildi. Natijada murojaatda ta'kidlangan hududda rezina qayiqda  taqiqlangan ov quroli, ya’ni 2 dona 100 metr uzunlikdagi leskali to‘rlar  yordamida baliq ovlayotganlar to‘xtatib qolindi. 

Huquqbuzarlar O‘zbekiston Respublikasi “Hayvonot dunyosini muhofaza qilish va undan foydalanish to‘g‘risida”gi qonunni qo‘pol ravishda buzishgan hamda Vazirlar Mahkamasining  80-sonli qaroriga asosan, hayvonot dunyosiga 6 million 798 ming so‘m zarar yetkazishgan.

Holat yuzasidan fuqarolardan belgilangan tartibda tushuntirish xatlari olinib, dalolatnoma rasmiylashtirildi. Shuningdek, noqonuniy ovlangan turli xildagi jami 4 dona baliq, noqonuniy ov qurollari (leskali to‘rlar va 1 dona rezina qayiq) holatga huquqiy baho berilgunga qadar vaqtinchalik saqlash uchun olib qo‘yildi. To‘plangan hujjatlar esa huquqiy baho berish uchun tegishli sud organiga yuborildi. 

Ma'lumot uchun, avvalroq elektr toki yordamida noqonuniy baliq ovlab, “Сhinoz baliq bozori”da sotmoqchi bo‘lganlar to‘xtatib qolingan va hujjatlar prokuratura organlariga yuborilgan edi.

Ekologiya vazirligi ekologik huquqbuzarlikka befarq bo‘lmagan va o‘z vaqtida murojaat qilgan fuqarolarga minnatdorlik bildiradi va boshqa yurtdoshlarimizni ham bu kabi holatlarga bee'tibor bo‘lmaslikka chaqiradi.