O‘zbekiston Respublikasi Ekologiya va iqlim o‘zgarishi milliy qo‘mitasi

Ma’lumot uchun, Vazirlar Mahkamasi qarorlari bilan joriy yil yanvar oyida milliy ekologik markirovkalash tizimi joriy etilgan edi. Iyun oyida esa "yashil" davlat xaridlarida ekologik markirovkalangan tovarlar va xizmatlarning ustuvorligi belgilab berildi. Bu — mintaqa uchun noyob tajriba bo‘lib, dunyodagi eng yaxshi amaliyotlarga asoslangan.

Tadbirda Davlat ekologik sertifikatlashtirish va standartlashtirish markazi direktori Nodirjon Yunusov "yashil" xaridlar eko mahsulotlar bozori rivojlanishiga, bu esa eko mahsulotlarga talabning ortishi  va ishlab chiqarish jarayonlarining atrof-muhitga salbiy ta’sirini kamaytirishning bozor mexanizmlarini joriy etishga kuchli turtki berishini alohida ta’kidlab o‘tdi.

Davra suhbatida asosiy e’tibor xo‘jalik yurituvchi subyektlar ishtirokidagi import va eksport jarayonlarida ekologik markirovkalangan mahsulotlarni optimal xarid qilishni tashkil etishga qaratildi. Xarid tashkilotlari va mahsulot ishlab chiqaruvchilar tomonidan yashil xaridlar loyihasi rivojiga doir masalalar muhokama qilindi. 

Shuningdek, ekologik sertifikatlashtirishning qanday amalga oshirilishi, unga qanday tayyorgarlik ko‘rish kerakligi, qaysi ekologik sertifikatlar davlat xaridorlari tomonidan qabul qilinishi va ular uchun qancha ball berilishi, biznes vakillari uchun ekologik sertifikatlashni joriy etishni yengillashtirish kabi masalalar ham kun tartibidan o‘rin oldi.

Tadbir davomida ushbu yo‘nalishda kelgusida amalga oshirilishi lozim bo‘lgan ustuvor vazifalar bo‘yicha biznes vakillarining takliflari asosida chora-tadbirlar belgilab olindi.