Andijonda atmosferaga zararli tashlamalar chiqarayotgan ohak xumdonlari buzilmoqda
2025-07-22 18:00:00 / Yangiliklar
Andijon viloyat Ekologiya, atrof-muhitni muhofaza qilish va iqlim o‘zgarishi boshqarmasi tomonidan atmosfera havosini ifloslantirayotgan manbalarni aniqlashga qaratilgan reyd tadbirlari o‘tkazildi.
Reyd davomida noqonuniy ohak pishirish faoliyati bilan shug‘ullanayotgan va atmosferaga zararli tashlamalar chiqarilishiga sabab bo‘layotganlar aniqlandi.
Huquqbuzarlarga nisbatan Ma’muriy javobgarlik to‘g‘risidagi Kodeksga ko‘ra ma’muriy bayonnomalar rasmiylashtirilib, tegishli choralar qo‘llanildi. Shuningdek, ohak xumdonlari buzib tashlandi.
Ayni damda holat nazoratga olingan. Reyd tadbirlari davom ettirilmoqda.