Qo‘riqxonaga noqonuniy kirgan huquqbuzarga chora ko‘rildi
2025-07-03 12:00:00 / Yangiliklar
Holat Toshkent viloyati Ekologiya, atrof-muhitni muhofaza qilish va iqlim o‘zgarishi boshqarmasi Bo‘stonliq tuman bo‘limi inspektorlari tomonidan o‘rganildi. Natijada muhofaza etiladigan tabiiy hududga transport vositasida noqonuniy tarzda kirilganligi aniqlandi.
Holat yuzasidan huquqbuzarga nisbatan Ma'muriy javobgarlik to‘g‘risidagi Kodeksning 82-moddasi 2-qismi bilan ma'muriy bayonnoma rasmiylashtirildi hamda bazaviy hisoblash miqdorining 10 baravari — 3 million 750 ming miqdorida jarima belgilandi.
Ma'lumot uchun, Oʻzbekiston Respublikasi “Muhofaza etiladigan tabiiy hududlar toʻgʻrisida”gi qonunining 19–22-moddalari hamda “Tabiatni muhofaza qilish toʻgʻrisida”gi qonunning 47-moddasiga asosan, “davlat qo‘riqxonalari, majmua (landshaft) buyurtma qo‘riqxonalari, tabiat bog‘lari, davlat tabiat yodgorliklari, ayrim tabiiy obyektlar hududida har qanday faoliyat taqiqlanadi. Fuqarolarga muhofaza hududlariga faqatgina tegishli ruxsatnoma bilan kirishga ruxsat beriladi.