O‘zbekiston Respublikasi Ekologiya va iqlim o‘zgarishi milliy qo‘mitasi

Unda Ekologiya vazirligi, Oliy ta’lim, fan va innovatsiyalar vazirligi, Ijtimoiy himoyani rivojlantirish instituti, “Oila va gender” ilmiy-tadqiqot instituti, Asaka bank ATB, “Yuksalish” umummilliy harakati mas’ullari ishtirok etdi. 

Yig‘ilishda “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonunning to‘laqonli ijrosini ta’minlash maqsadida O‘zbekiston Respublikasi Oliy Majlisi Senatining Yoshlar, xotin-qizlar, madaniyat va sport masalalari qo‘mitasi huzuridagi ishchi guruhi tomonidan Ekologiya vazirligi Maslahat kengashining ish samaradorligi o‘rganildi. 

Shuningdek, ekologik siyosatda ayollarning huquqlari va imkoniyatlarini kengaytirish, sohaga oid qonunlar va dasturlarda ayollarning roli va ishtiroki, ularning imkoniyatlarini kengaytirish, ekologiya sohasida ayollarning kasbiy tayyorgarligini oshirish va ularning hududiy masalalarda faol ishtirokini ta’minlash masalalariga e’tibor qaratildi.

Tadbir davomida Kengash a’zolari tomonidan ekologiya sohasida ayollarning ro‘yxatga olinishi, ularni ilmiy tadqiqotlar va amaliyotga faol jalb qilish bo‘yicha takliflar bildirildi. 
 
Yakunda Gender Komissiyasi a’zolari ekologiya sohasida gender tengligini ta’minlashga, Ekologiya vazirligi esa o‘z hududlarida ayollarning ekologiya sohasidagi ishtirokini kengaytirish uchun muhim tashabbuslarni amalga oshirishga tayyorligi ma’lum qilindi.