O‘zbekiston Respublikasi Ekologiya va iqlim o‘zgarishi milliy qo‘mitasi

Aksiyaning asosiy maqsadi — daraxtlarning ildizlariga havo va suv kirishiga to‘sqinlik qiluvchi holatlarni aniqlash va ularni bartaraf etish, shuningdek, daraxtlarga o‘rnatilgan turli texnik qurilmalar — simlar, reklama bannerlari va boshqa tabiiy o‘sishga xalal beruvchi narsalardan xalos qilishdir.

Mazkur tashabbus doirasida Samarqand viloyatining Narpay tumanida tuman Ekologiya bo‘limi davlat inspektorlari tomonidan “Islom Shoir” mahallasida yo‘l yoqalaridagi daraxtlar holati monitoring qilindi. Tekshiruv davomida ikki tup qarag‘ayning tagi betonlab yuborilgani, shuningdek, tanasiga turli elektr moslamalari o‘rnatilgani aniqlandi. Bu holatlar zudlik bilan bartaraf etilib, mas’ullarga ogohlantirish berildi.

Bundan tashqari, dehqon bozori atrofida, tuman markaziy va ichki ko‘chalarida ham nazorat davom etmoqda. Bu hududlarda O‘zbekiston Respublikasi Vazirlar Mahkamasining 464-sonli qaroriga muvofiq, qimmatbaho daraxt turlarini ro‘yxatga olish va ularni saqlash, to‘g‘ri muhofaza qilish ishlari olib borilmoqda.

Aksiya nafaqat tabiatni muhofaza qilish, balki aholiga atrof-muhitga mehr bilan munosabatda bo‘lish zarurligini yana bir bor eslatadi. Daraxtlar havoni tozalash va shaharlarning iqlim muammolariga bardoshliligini oshirishda muhim rol o‘ynaydi.

Ekologiya vazirligi barcha fuqarolarni ushbu tashabbusga qo‘shilishga: o‘z hovlilaridagi daraxtlarga e’tiborli bo‘lish, huquqbuzarliklar haqida xabar berish va yashil hududlarga zarar yetkazmaslikka chaqiradi.

Agar daraxtlarning betonlab yuborilishi yoki boshqa zarar yetkazuvchi holatlarga duch kelsangiz, quyidagi telefon raqamlari orqali Ekologiya vazirligiga xabar bering: (71) 207-11-07, (71) 207-11-08, 1157 yoki 1207. Shuningdek, @ecogovuz_bot telegram-boti orqali matn, foto yoki video ko‘rinishida murojaat yuborishingiz mumkin.