Xonadonlardan birida yo‘lbars va piton ilonlari noqonuniy saqlanayotganligi aniqlandi
2025-05-21 14:00:00 / Yangiliklar
Reyd davomida Toshkent viloyati, Toshkent tumani, "Tutzor" MFYda yashovchi Sh. А. tomonidan yashash xonadonida noqonuniy ravishda 1 dona Аmur yoʼlbarsi va 7 dona yoʼlbarssimon piton ilonlari saqlanayotganligi aniqlandi.
Ma'lumot uchun, Vazirlar Mahkamasining "Yovvoyi hayvonlarni saqlash tartibini takomillashtirish chora-tadbirlari to‘g‘risida"gi 736-son qaroriga asosan, (https://lex.uz/uz/docs/-7201110) 2025-yil 1-yanvardan boshlab jismoniy shaxslar tomonidan ko‘pgina (ro‘yxat asosida) yovvoyi hayvonlarni tutqunlikda saqlash hamda sirk tomoshalarida yovvoyi hayvonlardan foydalanish ta’qiqlandi.
Yovvoyi hayvonlar Toshkent hayvonot bogʼiga topshirildi. Bosh prokuratura tomonidan holatga huquqiy baho berilmoqda.
Ushbu yo’nalishdagi ekologik nazorat tadbirlari Toshkent viloyatining boshqa hududlarida ham davom ettirilmoqda.
Ma'lumot uchun, avvalroq Toshkent viloyati hamda shahar hududidagi pitomniklar hamda yovvoyi hayvonlarni tutqunlikda saqlash joylarida 9 turdagi 80 dan ortiq sut emizuvchi hayvonlar va parrandalar, jumladan, 4 dona Afrika sherlari ruxsatnomadan tashqari, noqonuniy saqlab kelinayotganligi aniqlangan edi.