Atrof-muhitga zarar yetkazayotgan noqonuniy ohak pishirish faoliyatlari to‘xtatildi
2025-05-01 11:00:00 / Yangiliklar
Reyd Andijon tumani Xakan sanoat hududida aholining ohak ishlab chiqarishdan hosil bo‘lgan yoqimsiz hiddan zarar ko‘rayotganligi haqidagi murojaatlarini hal qilish maqsadida olib borildi.
Reyd davomida noqonuniy ohak pishirish bilan shug‘ullanayotgan fuqarolar aniqlandi. 10 ga yaqin ohak pishirish xumdonlari o‘chirilib, buzib tashlandi.
Shuningdek, 1 ta holatda MJtKning 70-moddasi 1-qismi bilan bazaviy hisoblash miqdorining 10 baravari (3 mln 750 ming so‘m), 7 ta holatda esa MJtKning 91-moddasi 1-qismi bilan BHMning 35 baravari (13 mln 125 ming so‘m), jami 16 mln 875 ming so‘m miqdorida jarima qo‘llanildi.
Shuningdek, huquqbuzarlarga bunday holatni takrorlamaslik, atrof-muhitga zarar yetkazmaslik borasida ogohlantirishlar berilib, bu kabi huquqbuzarliklar qonunga ko‘ra qat'iy javobgarlikka sabab bo‘lishi ta'kidlandi.