Bo‘stonliqda tabiatga toʻrt milliard soʻmdan ortiq zarar yetkazildi
2025-04-10 13:00:00 / Yangiliklar
Toshkent viloyati Ekologiya, atrof-muhitni muhofaza qilish va iqlim o‘zgarishi boshqarmasi inspektorlari tomonidan navbatdagi ekologik reyd tadbirlari o’tkazildi.
Bo‘stonliq tumanida olib borilgan reyd davomida tuman hududidan oqib o‘tuvchi "Oqsoq ota" soyi qirgʻogʻida "MAN" rusumli avtoulov egalari ekskavator yordamida qum-shagʻal aralashmasini maxsus ruxsatnomasiz qazib olayotgani aniqlandi.
Natijada “Tabiatni muhofaza qilish to‘g‘risida”gi va “Yer osti boyliklari to‘g‘risida”gi Qonunlar talablari buzilgan hamda tabiatga 4 milliard 504 million 378 ming 636 so’m miqdorida zarar yetkazilgan.
Holat yuzasidan Bo’stonliq tuman IIB YPX xodimi yordamida 1 dona yuk tashuvchi avtotransport vositasi vaqtinchalik saqlab turish uchun jarima maydonchasiga joylashtirildi. To‘plangan hujjatlar esa Bo‘stonliq tuman prokuraturasiga yuborildi.