O‘zbekiston Respublikasi Ekologiya va iqlim o‘zgarishi milliy qo‘mitasi

O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi, O‘rmon xo‘jaligi agentligi, forumga tashrif buyurgan xorijiy davlatlar va Yevropa Ittifoqi rasmiy delegatsiyalari, BMT tashkilotlari, xalqaro tashkilotlar, ilmiy institutlar, yetakchi kompaniyalar, nodavlat notijorat tashkilotlari va ommaviy axborot vositalari vakillari ishtirokida bog‘da daraxt ekish marosimi bo‘lib o‘tdi.

Marosimda hudud iqlimiga mos daraxt ko‘chatlari o‘tqazildi. Xususan, 30 ta majnuntol, 40 ta akatsiya, 40 ta yapon saforasi, 35 ta gujum, 30 ta shumtol, 30 ta oq qayin va 35 ta mevali daraxt ko‘chatlari ekildi.

Ma'lumot uchun, 4-fevral kuni iqlim forumining rasmiy ochilish marosimi bo‘lib o‘tdi. Shuningdek, forum doirasida yashil iqtisodiyot, Markaziy Osiyoda iqlim oʻzgarishi sharoitida suv resurslarini kompleks boshqarish, uch tomonlama sayyora inqirozi, iqlim oʻzgarishiga ilmiy yondashuvlar va innovatsion yechimlar, "yashil" energiya, barqaror shaharlar va iqlim muammolariga bag‘ishlangan sessiyalar ham o‘tkazilmoqda.

Samarqand mezbonlik qilayotgan xalqaro iqlim forumi global iqlim muammolariga samarali yechim izlashda mintaqa kuchlarini birlashtirish, bu boradagi hamkorlikni yanada mustahkamlashga va xalqaro jamoatchilik e'tiborini yana bir bor iqlim masalalariga jalb etishga xizmat qiladi.