O‘zbekiston Respublikasi Ekologiya va iqlim o‘zgarishi milliy qo‘mitasi

Ma’lumot uchun, mazkur aksiya Qoraqalpog‘iston Respublikasi va viloyatlar markazlarida ham tashkil etildi. 

Tadbirda nutq so’zlagan Ekologiya vaziri o’rinbosari Iskandar Qutbiddinov jamoatchilik e’tiborini atrof-muhitni chiqindilardan tozalashga qaratish va buni targ’ib qilish muhim ahamiyatga ega ekanligini ta’kidladi.

“Chiqindi bilan ifloslanish bugungi kunda butun dunyoda dolzarb muammolardan biriga aylanmoqda. Ma’lumotlarga kelib, 2050-yilga kelib 308 mlrd tonnagacha chiqindi hosil bo’lishi taxmin qilinmoqda, shuning uchun atrof-muhitni chiqindilardan tozalash, ularni qayta ishlash masalasiga jiddiy e’tibor qaratish lozim. Bugungi aksiyadan ham maqsad belgilangan hududni tozalash bilan birga jamoatchilik e’tiborini belgilanmagan joylarga chiqindi tashlamaslik va ularni tozalashga qaratish, ekologik madaniyatni yuksaltirish, tabiatni ozoda saqlashni targ’ib qilishdir”, — dedi u.

Ekologiya vazirligi bo’lim boshlig’i Zarrina Abdullayeva esa aksiya uchun nega aynan aholi turar joyi tanlanganiga izoh berdi.

“Biz plogging uchun aynan aholi yashaydigan hududni tanlaganimiz bejizga emas. Negaki ushbu hududda bir nechta chiqindi qutilari bor, lekin insonlar turli plastik idishlar, qog’ozlar va boshqa turdagi chiqindilarni duch kelgan joyga tashlab ketishgan. Mazkur aksiya orqali jamoatchilikka o‘zimiz yashaydigan hududni chiqindixonaga aylantirmaslik, atrof-muhitni ozoda saqlash kerakligini yana bir bor uqtirishga harakat qildik. Umid qilamizki, endi aholi vakillari chiqindi tashlash borasida yanada mas’uliyatliroq bo’lishadi”, — dedi Zarrina Abdullayeva.

Chiqindilarni boshqarish agentligi direktori Sharifbek Hasanov esa yurtimizda chiqindi xizmatlari sifatini yaxshilash borasida ko‘plab ishlar amalga oshirilayotganini va aholiga sanitar tozalash xizmatlarini ko'rsatish bo'yicha qamrov darajasi yildan-yilda ortib borayotganini qayd etdi.

"Yurtimizda chiqindi sohasida olib borilayotgan islohotlar natijasida aholiga sanitar tozalash xizmatlarini ko'rsatish bo'yicha qamrov darajasi 60 foizdan oshdi. Shuningdek, soha elektr energiyasi bilan biriktirildi va bu ko'p yillardan beri ortib borayotgan debitor qarzdorlikni bartaraf etish imkonini berdi. Qolaversa, sohada shaffoflik hamda xizmat ko'rsatish sifatini oshirishni ta'minlash maqsadida yangi billing elektron tizimi joriy etildi, — dedi u. — Albatta, bu boradagi islohotlar izchil davom ettirilmoqda. Maqsad aholini qamrab olish darajasini 100 foizga yetkazish va chiqindilarni iqtisodiyotning ajralmas bo'lagiga aylantirishdir".

Aksiya davomida atrof-muhit jami 1 tonna 124 kg chiqindidan tozalandi. Yakunda “Tozalik posbonlari” jamoasi birinchi o‘rinni (333 kg), “Poligonchilar” jamoasi (176,55 kg) va “Tabiat muzeyi” jamoasi esa (161,5 kg) uchinchi o’rinni egalladi. 

Yakunda eng ko’p chiqindi to’plagan  jamoalar taqdirlandi. Shuningdek, barcha ishtirokchilarga esdalik sovg‘alari va tashakkurnomalar topshirildi. 

Ma’lumot uchun, aksiya davomida respublika bo'yicha jami 3 ming nafarga yaqin ishtirokchi tomonidan 58 ta hudud (150 gektarga yaqin) 349,8 tonna chiqindidan tozalandi.