Denovda huquqbuzarlar katta miqdorda tovon to‘laydigan bo‘ldi
2025-03-26 15:30:00 / Yangiliklar
Surxondaryo viloyati Ekologiya, atrof-muhitni muhofaza qilish va iqlim o‘zgarishi boshqarmasi hamda viloyat Milliy gvardiya boshqarmasi tomonidan navbatdagi nazorat tadbirlari o‘tkazildi.
Tadbir davomida Denov tumanida yashovchi fuqarolar R.Sh. va E.A. tomonidan "Surxon" daryosi o‘zanidan noqonuniy ravishda qum-shag‘al xomashyosi yuk texnikasiga yuklanayotganligi aniqlandi.
Holat yuzasidan huquqbuzarlarga nisbatan Ma’muriy javobgarlik to‘g‘risidagi kodeksning 70-moddasi 1-qismi asosida ma'muriy bayonnoma rasmiylashtirilib, har biriga 11 mln 250 ming so‘mdan jarima belgilandi. Shuningdek, tabiatga 8 mln 709 ming 120 so‘m miqdorida zarar yetkazilganligi ma'lum bo‘ldi.
Huquqbuzarlar jami 31 mln 209 ming 120 so‘m miqdorida tovon to‘laydigan bo‘ldi.
Nazorat tadbirlari davom ettirilmoqda.