Zomindagi bo‘rilar galasi
2025-03-05 10:00:00 / Yangiliklar
Ekologiya, atrof-muhitni muhofaza qilish va iqlim o‘zgarishi vazirligi tasarrufidagi “Zomin” davlat qo‘riqxonasida o‘rnatilgan fotoqopqonga oziq-ovqat izlab kezib yurgan bo‘rilar galasi muhrlandi.
Ma’lumot uchun, Zomin davlat qo‘riqxonasi 1928-yil iyun oyida Jizzax viloyatining Zomin va Baxmal tumanlari hududida tashkil etilgan. Qo‘riqxonada 149 turdagi hayvon yashaydi, ulardan 17 tasi O‘zbekiston Qizil kitobiga kiritilgan.
Bo'rilar aqlli yirtqichlar bo'lib, oilaviy jamoa bo‘lib yashashni ma'qul ko‘radi. Ular ovoz, tana harakati va hatto yuz ifodalari orqali muloqot qilishlari mumkin. Bo‘rilar kuniga 60 km masofani bosib o'tishadi va ular hid bilish borasida insonlarga qaraganda 100 marotaba sezgirroq. Bu hayvonlar o'ljasini o'rab olish va zaiflashtirish uchun turli usullardan foydalangan holda hamkorlikda ov qilishadi.