Sirdaryoda Qizil kitobga kiritilgan tasqara noqonuniy tarzda saqlab kelinayotgani aniqlandi
2025-02-20 14:00:00 / Yangiliklar
Sirdaryo viloyati Ekologiya, atrof-muhitni muhofaza qilish va iqlim o’zgarishi boshqarmasi hamda tuman Ichki ishlar bo‘limi tomonidan kelib tushgan murojaat asosida o’rganish o‘tkazildi.
O’rganish davomida Boyovut tumanida fuqaro Y.A. tomonidan yirtqich qush – O‘zbekiston Qizil kitobiga kiritilgan burgutsimonlar oilasiga mansub tasqara qushi noqonuniy saqlab kelinayotgani aniqlangan.
Mazkur holat yuzasidan fuqaroga nisbatan O‘zbekiston Respublikasi Ma’muriy javobgarlik to‘g‘risidagi kodeksining 92-moddasi bo‘yicha ma’muriy bayonnoma rasmiylashtirilib, unga BHMning 5 baravari – 1 million 875 ming so‘m miqdorida jarima belgilandi.
Qush tibbiy ko‘rikdan o‘tkazilganidan so‘ng tabiat bag’riga qo’yib yuboriladi.