Surxon davlat qo‘riqxonasida "qish ertagi"
2025-02-06 10:00:00 / Yangiliklar
Qish tabiatni qordek oppoq qor bilan qoplaganida Surxon davlat qo‘riqxonasi haqiqiy ertakmonand maskanga aylanadi. Surxondaryo viloyati Sherobod tumanida joylashgan bu go‘zal tabiat go‘shasi betakror manzaralari, boy hayvonot dunyosi bilan insonni o‘ziga rom etadi.
1986-yil 8-sentabrda tashkil etilgan qo‘riqxonada 194 turdagi hayvonlar yashaydi, ulardan 25 turi O‘zbekiston Qizil kitobiga kiritilgan. Bu yerda noyob morxo‘rlar, Turkiston tulkilari, yovvoyi cho'chqalar, bo'rilar, quyonlar va boshqa ko'plab hayvonlar uchraydi.
Surxon qo‘riqxonasi yilning istalgan faslida maftunkor, qish oylarida esa yanada go‘zal yovvoyi tabiat vohasidir. Bu yerda tabiat qudratini his qilish, musaffo tog‘ havosidan nafas olish, tabiat bilan uyg‘unlikda bo‘ladigan osoyishtalikdan bahramand bo‘lish mumkin.