Suvni tejash uchun muhim tavsiyalar!
2025-02-05 17:00:00 / Yangiliklar
Har qanday holatda ham birinchi navbatda suvni tejashga harakat qilishimiz lozim. Quyida bu borada ayrim muhim ma'lumotlarni e'tiboringizga havola qilamiz.
Jo‘mrakdan foydalanib 12 komplekt idish-tovoq yuvilganda 80-90 litr suv sarflanadi. Idish-tovoq yuvish mashinasidan foydalanganda esa atigi 9-10 litr suv kerak bo‘ladi.
3 daqiqa mobaynida tish yuvilganda jo‘mrakdan 20-30 litr suv oqib ketadi. Agar stakanga suv olib tish yuvsangiz, 200 ml. gramm suv talab etiladi. Ya'ni 20 litrdan ortiq suv tejab qolinadi.
Avtomobil yuvganda ham tejamkor usuldan foydalangan ma'qul. Masalan, avtomobil shlang orqali yuvilganda 200 litrgacha suv sarflanadi. Idishga suv olib yuvilganda esa 20 litr atrofida suv talab qilinadi. Ya'ni 180 litr suv tejaladi.
Ushbu oddiy tavsiyalarga amal qilish orqali siz suv sarfini sezilarli darajada kamaytirishingiz mumkin!