Qoraqalpog‘iston Respublikasi hududida 7 ta muhofaza etiladigan tabiiy hududlar tashkil qilinganini bilasizmi?
2025-01-11 20:00:00 / Yangiliklar
Qoraqalpog‘iston Respublikasida muhofaza etiladigan tabiiy hududlar tizimiga 3 ta davlat qoʻriqxonasi, 3 ta milliy tabiat bogʻi va 1 ta biosfera rezervati kiradi.
Qoraqalpog‘iston Respublikasining umumiy maydoni 16,6 mln gektarni tashkil etsa, METHlarning hududi 3,704 mln gektarga yoki respublika maydonining 22,2 foiziga teng.
Jumladan, Quyi Amudaryo davlat biosfera rezervati 68,7 ming gektar, "Saygachiy" majmua (landshaft) buyurtma qo‘riqxonasi 628,3 ming gektar, "Orolbo‘yi" milliy tabiat bog‘i 3,17 ming gektar, "Janubiy Ustyurt" milliy tabiat bog‘i 1447,1 ming gektat, "Sudochye-Akpetki" davlat buyurtma qoʻriqxonasi 280,507 ming gektar, "Orolqum" milliy tabiat bog‘i 1 million gektar va “Barsakelmes” davlat buyurtma qoʻriqxonasi 300 ming gektarga teng.
Bu hududlarda Oʻzbekiston Qizil kitobiga kiritilgan 102 turdagi umurtqali hayvonlar va 280 turdagi oʻsimliklar roʻyxatga olingan.