Qashqadaryodagi o’rmon xo’jaligida daraxtlar kesilgani aniqlandi
2025-01-11 17:00:00 / Yangiliklar
Ana shunday reydlardan birida Dehqonobod davlat o‘rmon xo‘jaligining “Duob” o‘rmon bo‘limi hududida jami 6 tup archa daraxti kesilganligi aniqlandi. Natijada tabiatga 41 million 400 ming so‘m zarar yetkazilgan.
Holat yuzasidan “Duob” o‘rmon bo‘limi mas’ul qo‘riqchisi R.B.ga nisbatan MJtKning 79-moddasi, 4-qismi bilan, ya’ni o‘ziga biriktirilgan hududlarda daraxtlarni muhofaza qilish va saqlashga doir qonunchilikda belgilangan choralarni ko‘rmaganlik uchun ma’muriy bayonnoma rasmiylashtirildi. Unga nisbatan bazaviy hisoblash miqdorining 10 baravari — 3 million 750 ming so‘m miqdorida jarima belgilandi.
Shuningdek, qolgan aybdorlarni aniqlash maqsadida hujjatlar Dehqonobod tuman IIBGA yuborildi.
Huquqbuzarlarga nisbatan, albatta, qonuniy tartibda tegishli choralar ko‘riladi va bu haqda batafsil ma’lumot beriladi.