Janubiy Ustyurt dashtlarida yirtqich va jayronlar
2025-01-09 13:00:00 / Yangiliklar
Ekologiya, atrof-muhitni muhofaza qilish va iqlim o‘zgarishi vazirligi tasarrufidagi “Janubiy Ustyurt” milliy tabiat bog‘ida o‘rnatilgan fotoqopqonlarga jayronlar va bo‘ri muhrlandi.
Ma’lumot uchun, “Janubiy Ustyurt” milliy tabiat bog‘i 2020-yil 11-noyabrda Qoraqalpog‘iston Respublikasi Qo‘ng‘irot tumanida tashkil etilgan. Hududda 149 turdagi hayvonlar yashaydi, shundan 36 turi Oʻzbekiston Respublikasi Qizil kitobiga kiritilgan.
Jumladan, ohular oilasiga mansub jayron O‘zbekiston Qizil kitobi va IUCN Qizil ro‘yxatiga zaif, kamayib borayotgan va mozaik tarqalgan kenja tur sifatida kiritilgan. Itsimonlar oilasiga mansub bo‘ri esa Oʻzbekistonning choʻl, dasht, oʻrmon, toʻqay, togʻ va togʻ oldi hududlarida keng tarqalgan.