O‘zbekiston Respublikasi Ekologiya va iqlim o‘zgarishi milliy qo‘mitasi

Ta'kidlash joizki, ayni damda yurtimizdagi barcha muhofaza etiladigan tabiiy hududlarda biotexnik tadbirlar o‘tkazilmoqda. Bunda hayvonlarning qishdan eson-omon chiqishi, ozuqa topishini osonlashtirish maqsadida kerakli hududlarga turli ozuqa mahsulotlari qo‘yib chiqilmoqda.

Ma'lumot uchun, "Yuqori Toʻpalang" milliy tabiat bogʻi 2022-yil 4-martda Surxondaryo viloyati Sariosiyo tumanida tashkil etilgan. Hududda 46 turga mansub hayvonot dunyosi vakillari uchraydi, shundan 20 turi O'zbekiston Qizil kitobiga kiritilgan.

Tyan-Shan qoʻngʻir ayig‘i Oʻzbekiston Qizil kitobi va Tabiatni muhofaza qilish xalqaro ittifoqi Qizil ro‘yxatiga kiritilgan. Ayiq bolalari uch yil ichida balog‘atga yetadi, o'rtacha umri 30-50 yilga teng. Ayiqlar ob-havoga qarab oktabrdan aprelgacha qishlashadi. 

Kuzgi sanoq natijalariga koʻra, "Yuqori To‘palang" milliy tabiat bog‘ida qo‘ng‘ir ayiqlar soni 25 boshni tashkil etadi.