O‘zbekiston Respublikasi Ekologiya va iqlim o‘zgarishi milliy qo‘mitasi

Tadqiqot Birlashgan Millatlar Tashkiloti Oziq-ovqat va qishloq xo‘jaligi tashkilotining (FAO) O‘zbekistondagi vakolatxonasi tashabbusi bilan O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi bilan hamkorlikda o‘tkazildi. Hisobot FOLUR loyihasi doirasida quruq hududlarda qishloq xo‘jaligi tadqiqotlari xalqaro markazi (ICARDA) tomonidan tayyorlangan.

“Mamlakat atmosferada changning yuqori konsentratsiyasi va qum bo'ronlariga duch kelmoqda, bu jiddiy ekologik muammolarni, ayniqsa, qurg'oqchil va suvsiz hududlarda. Mazkur hodisalar havo sifatiga salbiy ta'sir qiladi, ekinlar va infratuzilmaga zarar yetkazadi hamda salomatlik uchun jiddiy xavflarni, jumladan, nafas olish muammolari va hayot sifatini pasaytirishga olib keladi”, — dedi FAOning Oʻzbekistondagi vakolatxonasi rahbari oʻrinbosari Sherzod Umarov.

Maʼlumki, iqlim oʻzgarishi Oʻzbekiston uchun dolzarb muammo boʻlib, qishloq xoʻjaligi, suv resurslari, aholi salomatligi va tabiiy ofatlar xavfini boshqarish kabi muhim sohalarga katta taʼsir koʻrsatadi. Hisobotda Oʻzbekistondagi chang hodisalarining xarakteristikalari har tomonlama tahlil qilingan, uning oqibatlarini tabiiy yechimlardan foydalangan holda yumshatish boʻyicha chora-tadbirlar taklif etilgan va ushbu muammoni hal qilish senariylari keng ochib berilgan. Tadqiqot changni bartaraf etish jarayonlarini modellashtirish, shuningdek, yer qoplamining ta'sirini baholash uchun qo'llaniladigan RAMS/ICLAMS ilg'or atmosferani modellashtirish tizimiga asoslangan. Tizimda chang manbalari, o'simliklar va mintaqaviy ob-havo sharoitlari o'rtasidagi murakkab o'zaro ta'sirlar haqida qimmatli ma'lumotlar taqdim etiladi.