Uchrashuv avvalida vazir tashkilotning O‘zbekiston bilan samarali hamkorligi uchun minnatdorlik bildirib, yerlar degradatsiyasiga qarshi kurashish, cho‘llanish va suv resurslarini boshqarishda Markaziy Osiyo mintaqasi sa’y-harakatlarini birlashtirish muhimligini ta’kidladi.

Uchrashuvda qishloq xo'jaligida iqlim xizmatlarini yaxshilash orqali qishloq joylarida qashshoqlikni kamaytirishga qaratilgan Moslashuv jamg'armasi, IFAD va Ekologiya vazirligining qo'shma loyihasini ishga tushirishga tayyorgarlik ko'rish, qishloq jamoalarida barqarorlikni, daromadlarni va iqtisodiy o'sishni oshirish kabi masalalar muhokama qilindi.

Ma’lumot uchun: besh yillik loyiha 3 komponentni amalga oshirishni o‘z ichiga oladi: agroiqlim monitoringi tizimini ishlab chiqish, iqlim senariylarini uzoq muddatli tahlil qilish uchun institutsional va texnik imkoniyatlarni rivojlantirish va aholining iqlim o‘zgarishining qishloq xo‘jaligiga prognoz qilinayotgan salbiy ta’siri va tegishli javob choralari haqida xabardorligini oshirish.

O‘z navbatida K.Mendoza Orol fojiasi oqibatlari va yer degradatsiyasi muammolariga qarshi kurashda O‘zbekistonni qo‘llab-quvvatlashga tayyorligini bildirdi. Shuningdek, O‘zbekistonda IFAD loyihasi misolida Markaziy Osiyo davlatlari hukumatlari tomonidan tashkilotlar bilan amalga oshirilayotgan tashabbus va loyihalarni birlashtirish zarurligini ta’kidladi.

A.Abduhakimov cho‘l texnologiyalarini rivojlantirish orqali yer degradatsiyasi va cho‘llanishga qarshi kurashda mamlakatlarni birlashtirish zarurligini qo‘llab-quvvatladi. Vazir K.Mendosaga O‘zbekiston Respublikasi Prezidenti Shavkat Mirziyoyev tashabbusi bilan Orolbo‘yida iqlim texnologiyalari bo‘yicha “Expo xab” ochilishi, shuningdek, kelgusi yilda iqlim va cho'l texnologiyalari ko'rgazmasi o‘tkazilishi haqida ma’lumot berdi.

Shuningdek, vazir mahalliy sharoitga moslashtirilgan naslchilik urug‘larini yetishtirishga qaratilgan laboratoriyalar ishga tushirilishini ta'kidladi. Qolaversa, iqlim o‘zgarishi va cho‘llanish masalalari bo‘yicha Markaziy Osiyo davlatlarining hozirgi o‘zaro hamkorligiga to‘xtalib, Toshkentda Markaziy Osiyo atrof-muhit va iqlim o‘zgarishini o‘rganish universiteti ("Green University") tashkil etilganligiga to'xtaldi.

Muzokaralar natijasida tomonlar qo‘shma loyiha doirasida faol hamkorlikni davom ettirishga kelishib oldilar va hamkorlikni mustahkamlash hamda loyihalar portfelini kengaytirish imkoniyatlarini muhokama qildilar.